Privaatheidskennisgewing

Wie ons is

Hierdie webwerf en die Breinvriend-app behoort aan Always Be Positive (Hennie Terblanche), registrasienommer 2005/150993/23, 79 Aerodrome Close, Earls Court, George, 6529. Hennie is verantwoordelik vir die persoonlike inligting wat jy hier gee en is ook die inligtingsbeampte. Kontak: hennieter@gmail.com of 072 245 1383.

Watter inligting ons vra, en hoekom

• Kontak- en navraagvorms: jou naam, e-pos, selfoonnommer en boodskap, sodat Hennie jou kan antwoord.
• Die boeklys op /boek: jou naam, selfoonnommer en e-pos, sodat Hennie jou kan laat weet wanneer die boek beskikbaar is (net met jou toestemming).
• Boekbestellings: jou naam, van, e-pos en selfoonnommer, en vir 'n gedrukte boek wat afgelewer word ook jou afleweradres en aflewernotas. Ons gebruik dit om jou bestelling te verwerk, jou e-boek aan jou naam te koppel, jou boek af te lewer en jou op hoogte te hou. Ons hou ook jou naam, kontakbesonderhede en wat jy gekoop het op ons boeklys, om jou van Hennie se volgende boeke te laat weet, tensy jy by die mandjie "Kanselleer intekening" merk. Jy kan ook later enige tyd uitteken met die skakel in die boodskap, of deur Hennie te kontak.
• Afsprake op /afspraak: jou naam, van, e-pos en selfoonnommer, sodat Hennie jou op WhatsApp kan video-bel en jou bevestigings en herinneringe kan stuur. Ons vra nie waaroor jou afspraak gaan nie. Die oproep self loop deur WhatsApp, wat aan Meta behoort.
• Breinvriend-app: sien die afdeling hieronder.

Breinvriend-app

Wat op ons bediener gestoor word, om jou intekening te laat werk:

• Jou selfoonnommer en jou 4-syfer-PIN. Die PIN word net in versleutelde (gehashte) vorm gestoor, nooit as gewone teks nie.
• Jou intekening se status en datums, en PayFast se intekening-verwysing (token).
• PayFast se betalingskennisgewings: bedrag, status, betalingsnommer, en die betaler se naam en e-pos soos PayFast dit ontvang het. Kaartbesonderhede kom nooit by die app nie.
• As jy herinneringe aanskakel: jou foon se kennisgewing-adres, die tye wat jy kies en jou taal.
• Tegniese foutverslae: 'n kort foutboodskap en die soort foon of blaaier.

Wat net op jou eie foon bly en nooit na ons gestuur word nie: jou joernaal en geskrewe antwoorde, die beroep wat jy kies, en jou vordering (dag-nommer en reeks). Jy kan joernaal-inskrywings self enige tyd op jou foon uitvee.

Waar dit gestoor word: die databasis en Hennie se stemopnames is by Supabase, op Amazon Web Services in Ierland (EU). Die EU se databeskermingswette (GDPR) bied minstens soortgelyke beskerming as POPIA. Die app se lêers is op Hennie se webwerf-bediener (Afrihost), en betalings gaan deur PayFast (Suid-Afrika).

Wie toegang het: Hennie (eienaar), Pierre Grigor (ontwikkelaar en administrateur van die app), en Supabase en PayFast as diensverskaffers.

Jou rekening uitvee: in die app, onder Hulp → My rekening → Vee my rekening uit. Die app kanselleer eers jou PayFast-intekening en vee dan jou selfoonnommer, PIN, profiel, herinneringe en foutverslae op die bediener uit, en jou joernaal en vordering op jou foon. Betalingsrekords (bedrag en datum) bly vir ons rekeningkunde, maar sonder jou naam, e-pos of nommer. Jy kan ook hennieter@gmail.com e-pos, dan doen ons dit vir jou.

Ons vra net wat nodig is, en gebruik dit net vir die rede waarvoor jy dit gegee het.

Met wie ons dit deel

• The Courier Guy (net vir gedrukte boeke wat gestuur word): jou naam, van, afleweradres of gekose Pudo-locker, afleweringsnotas, selfoonnommer en e-pos, net om jou boek by jou af te lewer.
• PayFast, wat betalings en die maandelikse Breinvriend-intekening hanteer. Jou kaartbesonderhede kom nooit by hierdie webwerf of die app nie.
• Pierre Grigor, wat die Breinvriend-app bou en onderhou, en Supabase, waar die app se databasis is, net vir sover dit nodig is om die app te laat werk.
• Ons webwerf- en e-posdiens (Afrihost), waar die webwerf en die e-posse loop.

Ons verkoop of verhuur jou inligting nooit, en ons gebruik dit nie vir ander mense se bemarking nie.

Hoe ons dit beskerm en hoe lank ons dit hou

Bestellings word in 'n private databasis buite die publieke deel van die webwerf gestoor, en net Hennie en sy webwerf-bestuurder kan dit met 'n wagwoord sien. Ons hou bestellings so lank as wat die wet vir rekords vereis (gewoonlik vyf jaar) en daarna vee ons dit uit. As jy van die boeklys afteken, kry jy nie weer boodskappe nie.

Jou regte

Jy mag enige tyd vra watter inligting ons van jou het, dit laat regmaak, vra dat ons dit uitvee (waar die wet ons nie verplig om dit te hou nie), of beswaar maak teen hoe ons dit gebruik. Stuur net 'n e-pos na hennieter@gmail.com.

Is jy nie tevrede met hoe ons jou inligting hanteer nie, kan jy 'n klagte by die Inligtingsreguleerder indien: inforegulator.org.za.

Sien ook ons terme en voorwaardes.
Laas bygewerk: 09/11/2026